Այսօր՝ հունիսի 6-ին, խոշոր ավտովթար է տեղի ունեցել Արմավիրի մարզում: Ժամը 16:50-ի սահմաններում Արմավիր քաղաքից դեպի Հացիկ գյուղ տանող ճանապարհի 2-րդ կմ հատվածում «ԳԱԶ 2410» մակնիշի ավտոմեքենան դեռևս անհայտ հանգամանքներում դուրս է եկել երթևեկելի գոտուց, մի քանի պտույտ շրջվել ու գլխիվայր հայտնվել դաշտում:

Ինչպես հայտնում է ֆոտոլրագրող Գագիկ Շամշյանը, վթարի հետևանքով 3 հոգի, որոնց առաջինը օգնության են հասել քաղաքացիները, Պարեկային ծաառայության Արմավիրի մարզի գումարտակի պարեկներն ու «Արմավիր» բժշկական կենտրոնի շտապօգնության բժիշկների հերթապահ խումբը, տեղափոխվել են «Արմավիր» բժշկական կենտրոն:

Վիրավորներից երկուսին դեպքի վայրից հիվանդանոց է ուղեկցել ՊԾ Արմավիրի  մարզի գումարտակի 2-րդ վաշտի 2-րդ դասակի հրամանատար Գեղամ Սմբատյանը: