Դրամի փոխարժեքը՝ այսօր
Եղանակը՝ այսօր
ԿԱՐԵՎՈՐ ԼՈւՐԵՐ

Արցախի նախագահները Վերածննդի հրապարակում են

Blog Image

Այս պահին Ստեփանակերտի Վերածննդի հրապարակում ընթանում է հանրահավաք, որին նախորդեց ԱԺ արտահերթ նիստը:

Ինչպես ավելի վաղ MediaHub-ը հայտնել էր, ԱԺ նիստում հայտարարություն ընդունվեց, որով Արցախը դիմեց ՌԴ նախագահ Վլադիմիր Պուտինին:

«Հաշվի առնելով Ռուսաստանի պատմական դերակատարությունը մեր տարածաշրջանում խաղաղության և կայունության ապահովման գործում և, մասնավորապես, ագրեսոր Ադրբեջանի կողմից մեզ պարտադրված՝ 2020 թվականի 44-օրյա պատերազմի դադարեցմանն անձամբ ՌԴ Նախագահ Վ. Պուտինի անմիջական և գործուն մասնակցությունը՝ դիմում ենք Ռուսաստանի Դաշնությանը` Արցախի ժողովրդի անվտանգությունն ապահովելու հանձնառությունը շարունակելու խնդրանքով: Այն ամրապնդելու նպատակով առաջարկում ենք, հաշվի առնելով Արցախի ժողովրդին սպառնացող գոյաբանական իրական վտանգները, ներդնել քաղաքական և ռազմական լրացուցիչ մեխանիզմներ»,- մասնավորապես ասված է հայտարարության մեջ:

Արցախի ԱԺ-ն հայտարարությունն ընդունեց միաձայն:

Վերածննդի հրապարակում ընթացող հանրահավաքին մասնակցում են Արցախի նախկին և գործող նախագահները՝ Արկադի Ղուկասյանը, Բակո Սահակյանը, Արայիկ Հարությունյանը: Բացակա է միայն Ռոբերտ Քոչարյանը:
 

Send